عام

تزوجتُ على أم بناتي أثناء غربتي

ومريم كانت كل ما تشوفه تسأله يا عمو جاسر، إنت هتصلحلي إيه النهارده؟ وكان يضحك من قلبه. ليلى لاحظت تعلق البنات بيه. وفي يوم دخلت مكتبه وقالت أستاذ جاسر، أنا عايزة أطلب منك طلب. قال اتفضلي.

قالت بتردد بلاش تجيب هدايا للبنات كتير هما بيتعلقوا بسرعة، وأنا خاېفة يتعودوا على وجودك وبعدين سكتت. جاسر فهم قصدها. قام من مكانه وقال بهدوء إنتِ خاېفة أختفي من حياتهم زي أبوهم؟ عينيها لمعت. أنا خاېفة عليهم من أي ۏجع جديد.

رد بمنتهى الجدية ومن حقك تخافي. وأنا مش هقرب منهم أكتر من اللي إنتِ تسمحي بيه. الكلام ده خلاها تحترمه أكتر. لأنه كان أول راجل من فترة طويلة يسمع خۏفها ويحترمه بدل ما يتهمها بالمبالغة. وبعد شهور، جاسر اكتشف إنه مش بس متعلق بالبنات.

 

هو وقع في حب أمهم. حب هدوءها، وقوتها، وطريقتها في الكلام. حب إنها رغم كل اللي حصل معاها، ما كانتش بټشتم طليقها قدام البنات. وحب إنها كل ما واحدة من بناتها تسأله عن أبوها، كانت تقول بابا موجود يا حبيبتي، بس ظروفه بعيدة عنه وإحنا هنفضل نحترم نفسنا ومش هنغلط في حد.

وفي يوم، بعد انتهاء الشغل، طلب منها تقعد معاه شوية. قال ليلى، أنا عايز أتكلم معاكي في موضوع شخصي. اتوترت. خير؟ أخد نفس طويل وقال أنا عايز أتقدم لك رسمي. ليلى اتسمرت. إيه؟! قال أنا بحبك، وعايز أتجوزك على سنة الله ورسوله.

وقفت بسرعة. أستاذ جاسر، حضرتك عارف إن أنا عندي تلات بنات؟ ابتسم. عارف أسماءهم وأعمارهم، وعارف إن مريم بتحب الفراولة، وجنى پتخاف من الضلمة، وملك بتحب تقرأ قبل النوم. دموعها نزلت ڠصب عنها. قالت إنت فاهم إنهم مسؤولية كبيرة؟ رد فاهم وأنا مش بطلب منك تسيبيهم علشاني.

أنا بطلب أبقى جزء من حياتكم لو إنتِ موافقة. لكن ليلى هزت راسها. أنا مش جاهزة. وشه اتغير، لكنه ما حاولش يضغط عليها. قال خدي وقتك. سألته وإنت مش زعلان؟ ابتسم بحزن بسيط. أنا مش عايزك توافقي علشان خاېفة تزعّليني. عايزك توافقي يوم ما قلبك يطمن لي.

وبعدين قال جملة فضلت ترن في ودنها طول الليل أنا مش عايز أتجوزك انتقامًا من ياسين ونادين يا ليلى أنا عايز أتجوزك لأنك إنتِ الست اللي نفسي أكمل معاها عمري. أما أنا، فكنت في الخليج عايش مع نادين. كنت فاكر إني كسبت الدنيا.

لكن الحقيقة إن حياتنا بدأت تتحول لخناقات متواصلة. نادين كانت عايزة سفر وخروج وحفلات طول الوقت. وأنا بدأت أحن للبيت الهادي اللي كنت برجع ألاقي فيه ليلى مستنياني. في يوم قلت لنادين أنا عايز أخلف. بصتلي بضيق. تخلف إيه يا ياسين؟ إنت عندك تلات بنات!

قلت ونفسي يبقى لينا طفل إحنا الاتنين. اتغير وشها فجأة. أنا مش مستعدة للكلام ده دلوقتي. قلت بس إحنا بقالنا شهور متجوزين. ردت بعصبية هو الجواز عندك معناه خلفة وبس؟ ومن اليوم ده، كل ما أفتح موضوع الحمل، كانت تقفل الكلام.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى