عام

تزوجتُ على أم بناتي أثناء غربتي

سألته بحذر وحضرتك عارف أنا مين؟ بصلها بثبات. أيوه، عارف. وشها اتغير. يعني عارف إن طليقي اتجوز طليقتك؟ قال بهدوء عارف بس ده مالوش علاقة بالشغل. سكتت. فكمل أنا اتعرضت للخداع قبل كده، وعارف إن أصعب حاجة إن الواحد يكتشف إن الشخص اللي ائتمنه على حياته ما كانش يستاهل الثقة.

بصتله ليلى وقالت أنا مش عايزة أنتقم من حد يا أستاذ جاسر. ابتسم ابتسامة خفيفة. ولا أنا. الاڼتقام معناه إننا لسه عايشين في الماضي وأنا عايز أعيش اللي جاي. وبعدين حط ملف قدامها. دي تفاصيل الوظيفة والمرتب وساعات العمل.

فكري براحتك، ولو وافقتي هتكوني موظفة ليكي كل حقوقك، ومفيش أي التزامات شخصية بينا. ليلى أخدت الملف ومشيت. لكن قبل ما تخرج، جاسر ناداها. أستاذة ليلى؟ التفتت. قال في حاجة واحدة لازم تعرفيها اللي حصل معاكي مش معناه إن قيمتك قلت.

 

ساعات إحنا بنخسر ناس علشان نكتشف إننا نستاهل معاملة أحسن. الكلام لمس چرح كانت بتحاول تخبيه من شهور. ولأول مرة من يوم طلاقها، ابتسمت ابتسامة صغيرة. بعد أسبوع، ليلى وافقت على الشغل. بدأت موظفة في الإدارة، وكانت ملتزمة جدًا.

بتوصل في معادها، وتخلص شغلها بدقة، وترجع لبناتها. جاسر لاحظ إنها ذكية وسريعة التعلم، وبعد فترة نقلها لمكتب الإدارة العليا. وبمرور الشهور، بقت مديرة مكتبه. لكن اللي غير علاقتهم فعلًا ما كانش الشغل. كان يوم شاف فيه بناتها لأول مرة.

ليلى اضطرت تاخد ملك وجنى ومريم معاها الشركة ساعة واحدة، لأن والدتها كانت تعبانة ومفيش حد يقعد معاهم. البنات كانوا قاعدين بهدوء في غرفة الاستقبال. جاسر خرج من مكتبه وشاف مريم ماسكة عروسة صغيرة، وعينيها مليانة دموع. نزل لمستواها وسألها مالك يا قمر؟ قالت بصوت واطي العروسة بتاعتي اتكسرت.

بص للعروسة، لقى دراعها مفكوك. ابتسم وقال طب إيه رأيك نوديها للدكتور؟ مريم بصتله باستغراب. هو إنت دكتور عرايس؟ ضحك. أنا مهندس بس ممكن أحاول. جاب أدوات بسيطة من قسم الصيانة، وصلح العروسة، ورجعها لمريم. البنت حضنته من الفرحة وقالت شكرًا يا عمو. جاسر اتجمد لحظة.

لأن الكلمة دي، بالطريقة البريئة دي، لمست حتة جواه كان فاكر إنها ماټت. جاسر كان بيحب الأطفال جدًا. وكان طول عمره نفسه يبقى أب. لكن جوازه الأول انتهى من غير أطفال، وبعد سنين من المحاولات والفحوصات، عاش مقتنع إن المشكلة عنده هو.

وفي الليلة دي، لما رجع بيته الكبير، افتكر ضحكة مريم. ولأول مرة من سنين، حس إن البيت فاضي فعلًا. عدت أيام، وجاسر بقى يشوف البنات أحيانًا لما ييجي ياخد ليلى من الشغل أبوها أو لما يحضروا مناسبة عائلية وافقت ليلى على دعوتهم ليها.

ملك كانت بتحب تقرأ، فجاب لها مجموعة كتب. جنى كانت بتحب الرسم، فجاب لها ألوان. ومريم كانت كل ما تشوفه تسأله يا عمو جاسر، إنت هتصلحلي إيه النهارده؟ وكان يضحك من قلبه. ليلى لاحظت تعلق البنات بيه. وفي يوم دخلت مكتبه وقالت أستاذ جاسر، أنا عايزة أطلب منك طلب.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى