
سكتت لحظات. وبعدين قالت ولا حاجة ربنا يوفقك. قفلت المكالمة. وما كنتش أعرف إن نادين وقتها كانت عارفة حاجة أنا آخر واحد في الدنيا يعرفها. وإن يوم الاجتماع ده هشوف أم بناتي بعد شهور من الطلاق، واقفة جنب راجل تاني، لابسة دبلة جوازه، وبتبتسم له بنفس الابتسامة اللي كانت في يوم من الأيام ليا أنا وبس!
والأخطر إن جاسر الصرفي ما كانش مجرد جوزها الجديد كان الراجل اللي هيوقف قدامي ويقوللي كلمة واحدة هتخليني أفهم إن كل حاجة خسرتها مش هترجع تاني. الجزء الثاني لما شفت مراتي في حضڼ راجل غيري دخلت اجتماع من أهم اجتماعات حياتي، وكنت فاكر إني خارج منه بصفقة هتخليني من أكبر المديرين في الشركة، لكن أول ما باب قاعة الاجتماعات اتفتح، وشفت الست اللي داخلة جنب جاسر الصرفي، حسيت إن قلبي وقف!
كانت ليلى! مراتي الأولى، وأم بناتي التلاتة، والست اللي طلقتها علشان أرضي مراتي التانية! بس ليلى اللي شوفتها يومها ما كانتش نفس ليلى اللي سبتها من شهور. كانت لابسة بدلة كلاسيك بلون كحلي غامق، وحجاب حرير أنيق، وماسكة ملفات في إيدها، ووشها منور بابتسامة هادية.
أما جاسر، فكان ماشي جنبها بمنتهى الثقة، وكل شوية يبصلها ويبتسم. لكن اللي خلاني أفقد أعصابي فعلًا، إني شفته وهو بيقرب منها ويقول بصوت واطي خلي بالك من نفسك يا لي لي، إنتِ من الصبح ما أكلتيش حاجة. لي لي؟! هو بيناديها لي لي؟!
ده اسم الدلع اللي كنت بناديها بيه من وإحنا صغيرين! حسيت إن الډم بيغلي في عروقي. وقبل ما أستوعب اللي بيحصل، جاسر شد لها الكرسي علشان تقعد، وقال قدام الموجودين أحب أعرفكم بمديرة مكتبي، والأهم من كده زوجتي، الأستاذة ليلى.
الكلمة نزلت على دماغي زي الصاعقة. زوجتي؟! يعني إيه زوجتي؟! ليلى اتجوزت؟! اتجوزت جاسر الصرفي؟! طليق نادين؟! وقتها بس فهمت ليه نادين اتوترت لما عرفت إني هقابله. بس اللي ما كنتش أعرفه إن الصدمة الحقيقية لسه مستنياني! قبل الاجتماع بأسبوع، كنت رجعت مصر مخصوص علشان الصفقة.
كنت متحمس جدًا. مديري أكد لي إن الاتفاق مع مجموعة الصرفي ممكن ينقل شركتنا نقلة كبيرة، وإن دوري في المفاوضات هيكون أساسي. كنت ناوي أخلص الاجتماع وأرجع الخليج، من غير ما أشوف حد من أهلي. أصل علاقتي بأبويا كانت لسه مقطوعة. كل ما أكلمه يرد عليا بكلمتين ويقفل.
وأمي كانت كل مرة تحاول تقنعني أراجع نفسي، وأنا أتهرب منها. أما عمي، فمن يوم طلاقي لليلى ما سمعتش صوته. كنت عارف إنهم زعلانين، لكن جوايا كنت مقتنع إنهم بيبالغوا. وفي ليلة سفري، نادين فضلت تلف حواليا بتوتر. قالت ياسين، هو لازم إنت اللي تحضر الاجتماع؟ بصتلها باستغراب.
أمال مين اللي يحضره؟ دي أكبر صفقة في تاريخ الشركة! قالت ممكن مديرك يروح لوحده. ضحكت. إنتِ مالك متوترة كده من ساعة ما عرفتي إني هقابل جاسر؟ اتلخبطت وقالت مش متوترة، بس الراجل ده صعب في التعامل. قلت ما تقلقيش، أنا عارف أتعامل معاه.



