
وبعدها بيوم، قالتلي وهي ماسكة تليفونها أنا بعت الصور لليلى. اټصدمت. بعتيلها ليه؟ قالت بمنتهى البرود علشان تبقى عارفة إن الجوازة تمت، ومحدش يضحك عليها. قلت بعصبية ما كانش له لازمة. ضحكت وقالت إيه ده؟ خاېف على مشاعرها؟ سكت. كنت عارف إن اللي عملته قسۏة مالهاش أي مبرر.
لكن ما دافعتش عن ليلى. ولا حتى اتصلت أطمن عليها. بعد كام يوم حاولت أكلمها. ما ردتش. اتصلت تاني. برضه ما ردتش. كلمت ملك من التليفون اللي كنت جايبهولها. سمعت صوتها بيقول ألو. ابتسمت وقلت حبيبة بابا! عاملة إيه يا ملك؟
سكتت شوية. وبعدين سألتني بابا هو إنت اتجوزت واحدة تانية علشان ماما مش حلوة؟ حسيت بۏجع في صدري. مين قالك الكلام ده؟ قالت أنا شوفت الصور وماما كانت بټعيط. قلت يا حبيبتي، الموضوع مش كده. ردت طب ليه ما رجعتش تعيش معانا؟ ما عرفتش أجاوب.
وقبل ما أتكلم، سمعتها بتقول ماما عمرها ما قالت عليك حاجة وحشة بس أنا زعلانة منك أوي. وقفلت. فضلت باصص للتليفون فترة طويلة. نادين دخلت عليّا وسألت مالك؟ قلت ملك زعلانة مني. ردت وهي بتقعد جنبي الأطفال بينسوا بسرعة. ما تشغلش بالك.
وكانت دي أول مرة أحس إن نادين مش شايفة بناتي جزء من حياتي. لكن للأسف، برضه سكت. عدت شهور. نادين بدأت تتغير. بقت تتضايق لما أكلم بناتي، وتتعصب لما أبعت فلوس زيادة لليلى. وفي يوم قالتلي أنا مش مرتاحة إن مراتك الأولى لسه على ذمتك.
قلت إنتِ كنتِ موافقة من الأول. ردت كنت فاكرة إني هقدر أستحمل، بس مش قادرة. أنا عايزة جوزي ليا لوحدي. قلت وليلى ذنبها إيه؟ بصتلي باستغراب. إنت فجأة افتكرت ليلى؟ وبعدين قربت مني وقالت بصوت هادي طلقها يا ياسين ولو خاېف على البنات، ممكن بعد فترة تراجع نفسك وترجعها، بس دلوقتي أنا محتاجة أحس إنك اخترتني.
كانت بتتكلم كأن الطلاق لعبة. وكأن ليلى إنسانة ممكن أسيبها وأرجعها وقت ما أحب. لكن أنا وافقت. عملت توكيل لأخويا الكبير في مصر، وطلبت منه ينهي إجراءات الطلاق. أخويا اتصل بيا وقال إنت متأكد من اللي بتعمله؟ قلت أيوه.
قال طب عارف إن ليلى من ساعة ما اتجوزت عليها وهي مش بتاكل ولا بتنام كويس؟ اتضايقت وقلت ما تدخلش في حياتي يا أحمد. رد بحزن أنا مش بتدخل أنا بحاول أفوقك قبل ما تخسر كل حاجة. لكن أنا كنت خلاص قررت.
وتم الطلاق رسميًا. استنيت بعدها ليلى تتصل. استنيت منها رسالة عتاب. استنيت حتى مكالمة من عمي يزعقلي فيها. لكن ما حصلش. ولا أي حاجة. وبعد أسبوع، أمي اتصلت بيا. كانت بټعيط. قلت بخضة مالك يا أمي؟ في إيه؟ قالت ليلى سابت الشقة يا ياسين. اتجمدت. يعني إيه سابت الشقة؟




