— اقعدي يا أمي. وإنتِ يا طنط جمالات، قولي اللي عندك. سر إيه ده اللي بتتكلمي عنه؟ وإيه علاقته بيا وبسامح وأبويا الله يرحمه؟
جمالات قعدت على الكنبة بكل هدوء، وفتحت شنطتها الجلد وطلعت منها أوراق قديمة لونها أصفر، ملفوفة بحبل رفيع. بصت لأحمد وقالت:
— إنت فاكر إن أبوك كان بيحب سامح أكتر منك؟ فاكر إن أبوك هو اللي كتب والأرض والمحل لسامح عشان هو الكبارة اللي هيشيل اسم العيلة؟
أحمد هز رأسه بمرارة وقال:
— ده اللي طول عمرنا بنسمعه. ده اللي أمي كانت بتقولهولنا كل يوم. سامح الكبير، سامح اللي هيقف جمبنا… وأنا طلع عينيا في المصاريف والتعليم وفي الآخر ما طلعتش بحاجة غير المتوسطة دي، وبدفع ديونهم ومرض أمي.
جمالات ضحكت بصوت عالٍ كله حسرة:د
أحمد تنح، وبص لأمه اللي وشها بقى أصفر زي الموتى، وقالت وهي بتهدد جمالات:
— اسكتي يا جمالات! اسكتي الله يخرب بيتك! إنتِ بتتبلي عليا! أحمد، ما تسمعلهاش، دي ست مجنونة وجاية تعمل فتنة بينك وبين أخوك!
جمالات طلعت ورق من الشنطة وحطته على السفرة قدام كيس الجمبري اللي لسه موجود:
أنا شهقت وحطيت إيدي على بقي. أحمد مسك الورق بإيد ، بدأ يقلب فيه، وعينيه من الصدمة. كانت العقود بتثبت إن المحل والأرض كانوا ملك للطرفين، وإن التوكيل المكتوب لسامح اتعمل في فترة أبوهم كان فيها في العناية المركزة وما يقدرش يبصم حتى!
أحمد بص لأمه بنظرة مكسورة، أكنه بيكلم حد تاني غير أمه اللي رباها وشالها على كتافه ست سنين:
— الكلام ده صح يا أمي؟ إنتِ زورتي ورق أبويا عشان تدي كل حاجة لسامح أنا باللاش؟
حماتي بدأت تعيط بعصبية :
— أنا ما زورتش حاجة! سامح هو اللي كان هيشيل اسم العيلة! سامح خلف الولد اللي بيحمل اسم أبوك! إنت خلف بَنات يا أحمد! كنت عايزني أرمي شقى أبوك للبنات ولغريب ياكل فيه؟ سامح كان محتاج البدية، وإنت الله يعينك أهوه عايش ومستور! أحمد فيها لأول مرة في حياته، طلعت من أرجاء صدره هزت الصالة كلها:
— مستور إيه؟! ده أنا باكل بالعافية! ده أنا بقالي ست سنين بستلف عشان أجيبلك دواكي ومصاريف علاجك اللي سامح ما دفعش فيها جنيه واحد! ده أنا كنت قوت بنتي مريم عشان أفرشلك الأوضة وأديكي مصروفك في إيديكي كل أول شهر! وإنتِ… إنتِ كنتِ بتاخدي ده كله أكل بنتي من السفرة عشان توديه لابن سامح؟!
جمالات وقفت وحطت إيدها على كتف أحمد:
— مش بس كده يا أحمد… الورق ده فيه السر الأكبر. المحل اللي سامح باعه بمليون جنيه زمان؟ سامح ما اشترى بيه شقة بس… سامح ومامتك كانوا عاملين مشروع تجاري باسم سامح من وراك، وبياخدوا أرباحه كل شهر. وأمك كانت بتستلف منك وتسحب من جيبك عشان تبعتلهم الأرباح دي تكبر مشروعهم، وإنت فاكر إنك بتعالجها!
أنا قربت من أحمد، مسكت إيده وقلت بصوت حنين بس حاسم:
— أحمد… تهدى الأول. الورق ده لازم نوديه لمحامي يدرسه كويس. إحنا مش هنضيع حقنا ولا حق بنتنا أكتر من كده.
حماتي بصتلي بغل وحقد وقالت:
— إنتِ السوسة اللي في العمارة دي! إنتِ اللي قومتيه عليا! طول عمرك بتبصي لسامح ومراته في اللقمة والقرشين! جيتي بالست الملعونة دي عشان تهدوا البيت على دماغي!
في اللحظة دي، تلفون أحمد رن. كان سامح.
أحمد بص للشاشة، ورد وهو حاطط التلفون على السبيكر من غير ما ينطق.
صوت سامح جه من الناحية التانية، متوتر ومستعجل:
