بعد تلات ايام من ولادتي

طويت الورقة ورجعتها مكانها.
وقلت بهدوء
ورقة كنت مستنياها من شهور.
ضحك باستهزاء.
أي ورقة مش هتغير الحقيقة… إنتِ وقعتي.
بصيت له بثبات.
صح… أنا وقعت.
وسكت ثواني.
لكن إنت ما سألتش نفسك… ليه كنت هادئة أوي وأنا بمضي؟
ملامحه بدأت تتغير.
أما رانيا، فبصت له لأول مرة بقلق.
قالت
كريم… هي تقصد إيه؟
رد عليها بسرعة
ولا أي حاجة… بتحاول تخوفنا.
لكن صوته نفسه مكانش واثق.
في اللحظة دي، دخلت الأخصائية الاجتماعية وقالت
في طلب رسمي وصل للمستشفى.
سلمتني نسخة منه.
ثم التفتت لكريم وقالت
ومن اللحظة دي، يمنع خروج الطفلين من المستشفى لأي شخص لحين مراجعة الإجراءات القانونية.
شهقت حماته، اللي كانت واقفة عند الباب تراقب.
وقالت بانفعال
يعني إيه؟! إحنا جايين ناخد أحفادنا بكرة!
الأخصائية ردت بهدوء
ده قرار مؤقت لحماية حقوق الأطفال، ومحدش

يقدر يخالفه.
كريم ضړب كفه في الترابيزة.
مين عمل كده؟
رفعت عيني إليه.
وقلت
أنا.
ساد الصمت.
حتى رانيا بطلت تتكلم.
أكملت بنفس الهدوء
من ست شهور، أول ما عرفت إن في ناس بتحاول تستغل ولادي في صراع أكبر منهم… بدأت أوثق كل حاجة.
وأشرت إلى كاميرا المراقبة في سقف الغرفة.
وآخر دليل… أنتم سجلتوه بنفسكم النهارده.
في نفس اللحظة، رن هاتف كريم.
بص للشاشة…
وفجأة اختفت الابتسامة من على وشه.
المتصل كان مدير الإدارة المالية في شركة العائلة.
رد بسرعة.
لكن كل اللي سمعناه كان الجملة اللي قلبت ملامحه
يا أستاذ كريم… في لجنة مراجعة وصلت الشركة، وطلبوا كل العقود والملفات القديمة… وقالوا محدش يخرج أي مستند من المبنى.
قفل المكالمة بيد مرتعشة.
وبص لي…
كأنه لأول مرة فهم إن اللي كان فاكره نهاية القصة…
مكنش إلا أول فصل فيها كريم فضل واقف مكانه، والهاتف لسه في إيده.
بصلي نظرة طويلة، وقال وهو بيحاول يستعيد هدوءه
إنتِ بتلعبي لعبة أكبر منك.
ابتسمت بهدوء.
وأنت متأكد إنك عارف كل قواعدها؟
حماتي قربت منه وهمست
يلا نمشي دلوقتي… وبعدين نتصرف.
لكنه هز رأسه بعصبية.
لأ… لازم أفهم هي عملت إيه.
في اللحظة دي، دخل أحد رجال أمن المستشفى ومعاه موظف من الإدارة.
قال باحترام
أستاذ كريم، في تعليمات إن أي نقاش بخصوص الطفلين يكون بحضور الأخصائية الاجتماعية فقط، وممنوع أي ضغط على الأم داخل المستشفى.
اضطر كريم يتراجع خطوة.
وقبل ما يخرج، لف ناحيتي وقال
لسه كل حاجة بإيدي.
رديت من غير ما أرفع صوتي
لو كان ده صحيح… مكنتش جيت بعشرين شخص علشان توقيع واحدة خارجة من عملية.
ساد الصمت.
أول مرة…
ما لقاش رد.
خرج هو وعيلته، لكن قبل ما باب الأوضة يتقفل، لمحته بيبص ناحية الحقيبة الجلد القديمة اللي كانت مستخبية تحت السرير.
عرفت إنه شافها.
أول ما خرجوا، نزلت ومديت إيدي للحقيبة.
فتحتها ببطء.
كان فيها ملفات مرتبة بعناية…
وصندوق معدني صغير.
وخطاب مكتوب بخط اليد.
فتحت الخطاب.
وكان أول سطر فيه
إذا وصل الخطاب ده لإيدك، يبقى معناه إن الوقت جه تعرفي الحقيقة كاملة.
كملت القراءة، وكل كلمة كانت بتخليني أنسى ۏجع العملية.
الخطاب كان بيحكي عن سنوات من الخلافات داخل شركة العائلة…
وعن مستندات اتجمعت بشكل قانوني لإثبات مخالفات مالية وإدارية، وأسماء أشخاص شاركوا فيها أو أخفوا

معلومات عنها.
وفي آخر صفحة، كانت فيه جملة واحدة مكتوبة بخط أكبر
مفتاح الخزنة رقم 17 مش بيفتح فلوس… بيفتح الحقيقة.
رفعت المفتاح اللي الراجل العجوز اداهولي.
كان نفس الرقم محفور عليه.
وفي اللحظة دي، رن هاتفي مرة تانية.
المتصل كان نفس الرجل العجوز.
رديت بسرعة.
لكنه ما اتكلمش.
كل اللي سمعته كان صوته وهو بيهمس
اوعي تفتحي الخزنة لوحدك… لأن في حد عرف إنها لسه موجودة.
وفجأة…