يوم فرحي

يوم فرحي، جوزي مسك المايك قدام مئات الناس وقال مرتبى كله تقريبًا هيروح لأختي لحد ما تتخرج!
الكل صفق له وقال راجل يا عصام إلا أمي، اللي قامت من مكانها وطلبت المايك وقالت عندي 3 أسئلة، ولو جاوبتوا عليهم هسكت وأباركلكم! كان عصام واقف على المسرح وسط التصفيق، وأنا قاعدة بفستاني الأبيض مش قادرة أصدق اللي بسمعه.

قال قدام الجميع
أنا مرتبي 15 ألف جنيه، وعليّا قسط شقة 12 ألف، لكن أوعدكم إني هتكفل بمصاريف أختي سارة لحد ما تخلص جامعتها.
الناس صقفت بحماس.
أهله كانوا فخورين بيه، وكأنهم اكتشفوا بطل قومي.
أما أنا، فكنت عارفة إن بعد القسط هيفضل من مرتبه 3 آلاف جنيه بس.
يعني مستقبل بيتنا كله هيتبني على مرتبي أنا.
نزل عصام من المسرح وهو مبتسم، وكأنه عمل أعظم إنجاز في حياته، حتى إنه ما بصليش.
لكن أمي كانت قاعدة جنبي بهدوء غريب.
ابتسمت، وحطت إيدها على إيدي وقالت
سيبيه عليّ.
ثم قامت واتجهت للمايك.
الحاج مصطفى، أبو عصام، افتكرها هتبارك للعروسين، فقال
اتفضلي يا مدام نادية، قولي كلمتك.
أمي ردت بهدوء
مش كلمة عندي 3 أسئلة.
فجأة سكتت القاعة كلها.
وبدأت بأول سؤال للحاج مصطفى
حضرتك مش كنت بتقول إنك بعت أرضك زمان عشان تعلم ولادك وتساعدهم يبدأوا حياتهم؟
ابتسم وقال
أيوه، ده واجبي.
قالت
طيب عندي سؤال بسيط
ثم بدأت تذكر أمامه تفاصيل عن معاشه، وشقته التانية، وإيجارها، ومدخراته، وعن قسط شقة عصام.
وبعدين قالت
طالما أنت قادر تساعد بنتك، ليه بتخلي ابنك يبدأ جوازه وهو مش قادر يصرف على بيته؟
القاعة بدأت تهمس.
وعصام اتوتر وقال
يا حماتي، النهارده فرحي…
لكن أمي قاطعته
لسه السؤال التاني يا عصام.
حماتي اتغير لون وشها.
وأمي مسكت المايك أقوى وقالت
يا مدام فوزية، دلوقتي دوري أسألك…
هنا عصام بصلي فجأة بذهول، وقال بصوت مسموع
ندى أمك عرفت الكلام ده كله إزاي؟!
وقبل ما أقدر أرد، أمي فتحت شنطتها وأخرجت ورقة قدام الجميع ولما شافتها حماتي، شهقت وقالت إنتِ كنتِ بتدوري ورانا؟!
ندى
أول ما أمي طلعت الورقة من شنطتها وحطتها قدام المايك، حسيت إن قلبي وقف.
ما كنتش عارفة إيه اللي مكتوب فيها، لكن من شكل حماتي وأنا شايفة وشها اتغير عرفت إن الموضوع أكبر بكتير من مجرد كلام عن مرتب عصام أو مصاريف أخته.
حماتي فوزية قامت من مكانها مرة واحدة وقالت بصوت عالي
إنتِ كنتِ بتدوري ورانا؟!
أمي بصتلها بهدوء شديد وقالت
أنا ما بدورش ورا حد يا مدام فوزية
ثم رفعت الورقة قدام الناس وقالت
أنا بس لما بنتي هتتجوز، بحب أعرف هي داخلة على إيه
القاعة كلها بقت ساكتة.
حتى الموسيقى اللي كانت شغالة ورا المسرح اتقفلت.
أنا كنت قاعدة على الكرسي بفستان فرحي، وإيدي بتترعش.
عصام قرب من أمي وقال
ماما نادية، لو سمحتي، إحنا ممكن نتكلم في أي حاجة بعد الفرح
أمي ردت
وأنا كنت هعمل كده فعلًا
لكن لما وقفت قدام الناس وقلت إن مرتبك كله تقريبًا هيروح لأختك، وإن مراتك المفروض تعتمد على نفسها عشان تعيش، يبقى لازم الناس تعرف الحقيقة كاملة
عصام اتوتر
أنا ما قلتش إن ندى هتصرف عليا
أمي ابتسمت وقالت
ما قلتش؟
وبصت ناحيتي
ندى، قولي لهم مرتبك كام
اترددت.
عصام بصلي.
ولأول مرة من بداية الحفلة شفت في عينه خوف حقيقي.
قلت بصوت منخفض
مرتبي 13 ألف جنيه
أمي كملت
وإنت يا عصام بعد القسط هيفضل معاك 3 آلاف
قال
أيوه
قالت
يعني دخل البيت الشهري هيكون 16 ألف
عصام قال بسرعة
وفي المستقبل المرتبات بتزيد
أمي هزت راسها
طبعًا بتزيد
بس المصاريف كمان بتزيد
ثم رفعت الورقة وقالت
بس المشكلة مش هنا
المشكلة إن الكلام اللي قاله عصام قدام الناس النهارده مش الحقيقة كاملة
حماتي صړخت
إنتِ بتتهمي

ابني بالكذب في يوم فرحه؟!
أمي ردت بمنتهى الهدوء
أنا ما اتهمتش حد
أنا بس هسأل
واللي بريء يجاوب
سكتت فوزية.
أمي فتحت الورقة وقالت
السؤال الثاني
وبصت لعصام
يا ابني
أختك سارة فعلًا محتاجة مرتبك كله عشان الجامعة؟
عصام قال
أيوه
قالت
بتدرس إيه؟
قال
تجارة
قالت
سنة كام؟
قال
تالتة
أمي بصت في الورقة وقالت
غريبة
حماتي شهقت.
أمي كملت
لأن الورقة اللي قدامي دي بتقول إن سارة خلصت تالتة من السنة اللي فاتت
وسجلت في سنة رابعة
والباقي على تخرجها أقل من سنة
عصام سكت.
أمي قالت
يعني مش أربع سنين كمان زي ما الناس فاهمة
عصام رد
ما هو أنا قلت لحد ما تتخرج
أمي قالت
وأنا ما اعترضتش
أنا بس بسأل
ليه لازم مرتبك كله تقريبًا يروح لها؟
عصام قال
مصاريفها كتير
أمي سألت
قد إيه؟
قال
مصاريف الجامعة والكتب والمواصلات والأكل
أمي هزت راسها
طيب
سألت سارة
إنتِ مصاريفك الشهرية قد إيه؟
كل الناس بصت لسارة.
سارة كانت قاعدة جنب أمها ومش عارفة تعمل إيه.
قالت بخجل
حوالي ألفين
أمي قالت
ألفين؟
سارة هزت راسها.
أمي رجعت بصت لعصام وقالت
إنت مرتبك 15 ألف
بعد القسط 3 آلاف
وأختك محتاجة ألفين
طيب ال آلاف الباقيين من مرتبك هيروحوا فين؟
عصام فتح بقه ومتكلمش.
حماتي قامت وقالت
إنتِ عايزة تفضحينا يعني؟!
أمي ردت
أنا مش عايزة أفضح حد
أنا عايزة بنتي ما تبدأش حياتها بكذبة
عصام قال بعصبية
مفيش كڈبة
أمي بصت له
أمال قول لي
مين بيدفع باقي مصاريف سارة؟
عصام سكت.
أمي قالت
أنا هجاوب
وبصت ناحية أبو عصام
الحاج مصطفى
حضرتك بتدي سارة كل شهر مبلغ
صح؟
الحاج مصطفى اتوتر وقال
يعني على قد ما أقدر
أمي قالت
قد ما تقدر؟
طيب حضرتك بتحول لها 3500 جنيه كل شهر
صح؟
الراجل ما ردش.
أمي قالت
ووالدتها بتديها 1500
وسارة نفسها بتشتغل يومين في الأسبوع في مكان قريب من الجامعة
يعني سارة أصلًا مصاريفها متغطية
سارة بصت لأخوها.
وأول مرة اتكلمت وقالت
عصام
إنت كنت ناوي تعمل كده فعلًا؟
عصام رد
أنا أخوكي
وأنا مسؤول عنك
قالت
بس أنا ما طلبتش منك
رد
أنا عايز أساعدك
سارة قالت
بس أنا كنت فاكرة إنك هتساعدني لو احتجت
مش إن مرتبك كله يبقى ليا
أمي بصت لسارة وقالت
وده السؤال التالت
ثم وجهته لحماتي
يا مدام فوزية
إنتِ كنتِ عارفة إن ابنك هيعمل كده قبل الجواز؟
حماتي سكتت.
أمي كملت
ولا هو قرار أخده لوحده؟
حماتي قالت
هو ابني
وأنا أمه
وطبيعي يساعد أخته
أمي قالت
يساعدها آه
لكن مين يساعد مراته؟
القاعة كلها سكتت.
أمي حطت الورقة على الترابيزة وقالت
أنا مش ضد إن عصام يساعد أخته
ولا عمري هكون ضد إن أخ يساعد أخته
أنا بنتي لو احتاجتني هبيع اللي ورايا واللي قدامي عشانها
لكن فيه فرق بين المساعدة وبين إنك تدخل بيت جديد وتقرر من أول يوم إن زوجتك هتشيل نص المسؤولية بدلًا منك
عصام بصلي.
أول مرة من ساعة ما بدأت أمي كلامها عينيه جات في عيني.
قال
ندى
أنا ما كنتش عايز أظلمك
أمي قالت
إذن جاوبني
قبل ما تتجوز ندى
هل قلت لها إنك هتدفع لأختك من مرتبك؟
عصام سكت.
أمي بصت لي.
وأنا افتكرت حاجة.
قبل الجواز بأسبوعين، كنت قاعدة مع عصام في كافيه، وكنا بنتكلم عن حياتنا بعد الجواز.
سألته وقتها
هنقدر نعيش على مرتبك ومرتبي؟
قال لي
طبعًا
أنا مش هخليكي تشيلي هم
سألته
طب وأختك؟