رد عليها بهدوء
“أنا سمعت كل حاجة”
سلمى سكتت
محمود أشار ناحية أوضة الضيوف وقال
“لمي هدومك”
بصتله وهي مش مصدقة
“إيه؟”
قالها
“لمي هدومك يا سلمى”
قالت وهي بتبصلي
“إنت هتطردني عشان هي اتعصبت؟”
محمود هز راسه وقال
“لأ”
وبعدين طلع موبايله وقال
“أنا فتحت كشف الحساب الصبح”
سلمى اتوترت
محمود قلب في الموبايل وقال
“إنتي صرفتي أكتر من ستين ألف جنيه في تلات أسابيع”
أنا بصيتله
“ستين ألف؟!”
قال
“مطاعم فخمة أوبر هدوم ميكاب وحاجات تانية كتير”
وبعدين رفع عينه ليها وقال
“وفيه كمان أوض فندق في القاهرة”
أول ما قال كلمة فندق وش سلمى اتغير
بصت ناحية باب الشقة
أنا لاحظت نظرتها
ومحمود لاحظها هو كمان
قالها
“إنتي كنتي بتروحي فندق ليه؟”
سلمى فضلت ساكتة
وفجأة سمعنا خبط جامد على باب
محمود راح فتح
كان واقف راجل في الأربعينات لابس بدلة وماسك ظرف كبير
بص لسلمى وقال
“مدام سلمى عبد الرحمن؟”
وشها اصفر
مدلها الظرف وقال
“الأوراق دي تخص حضرتك”
سلمى مسكت الظرف وإيدها بتترعش
أنا بصيتلها وقلبي بدأ يدق بسرعة
وقلتلها
#حكايات_صافي_هاني
#حصرياً
“إنتي مخبية إيه يا سلمى؟”
فتحت الظرف وبصت لأول ورقة
وفجأة عينيها اتمليت رعب
وبصت لجوزي وقالت بصوت واطي
“يا خالو محمود أنا كنت مضطرة…”
محمود قرب منها وقال
“مضطرة تعملي إيه؟”
سلمى نزلت الورق من إيدها
وقالت جملة خلتني أنا وجوزي نبص لبعض في ذهول
