ولما روحو البيت كانت هنا
دخلت جميله وسيف البيت واول ما دخلو لقيو البيت مقولب ب عماته وخلاته وخلانه واعمامه واولاد خلاته واولاد عماته واولاد اعمامه حرفيا مكانوش قادرين ولا عارفين يتحركو
قالت جميله يا نهار ابيض اي دا امك لو عاوزة مش هتعمل كدا اقسم بالله……. قال سيف لي بتقولي كدا وبعدين هيا قالتلك اشتغلي ولا اعملي حاجه….. في الوقت دا خرجت مرفت ولقت جميله وسيف واقفين راحت عندهم وقالت جميله روحي اعملي مع سلايفك الاكل ونضفي البيت…. قال سيف جميله مين اللي تنضف البيت جميله مش هتقوم اصلا من مكانها ومش هتعمل حاجه……. قالت مرفت وهيا بتحط ايدها في وسطها لي يا عين امك كل دا عشان حامل في حتت بنت اكيد مهي كانت ارض بور يوم ما هتطرح هتجيب بنت….. قالت جميله بعصبيه مين دى اللي ارض بور اولا انا متجوزة بقالي سنتين يعني مش بقالي عشر سنين وكمان عندى 20 سنه يعني صغيرة وا لعمر قدامي ثالثا بقي ولا الاهم يا حماتي انتي قعدتي 8 سنين متخلفيش لحد ما خلفتي سلفي احمد وبعدو كريم وبعدو سيف ودعاء بعدهم وكان ما بين كل عيل والتاني حوالي 4 او 5 سنين
لتوضيح كريم زوج رانيا 30 سنه دعاء دى 21 سنه كليه طب بنت كدا فافي في نفسها بتدرس برا مصر نرجع تاني لروايتنا
كملت جميله كلامها وقالت ف يا حماتي قولي اللي ليكي والي عليكي لان كما تدين تدان ويلاش اقولك قدام جوزى اللي بتعمليه فيا هيترد في بنتك لان لازم الخق يرجع لاصحابه
كانت لسا مرفت جايه تتكلم
قال سيف بصي يا ماما جميله حامل في 3توائم ف اصلا الحمل هيبقا تعبها اوى وكمان هيا صايمه ف مش هتقدر وانا هدخل اسلم علي الناس اللي جوا دى ومشي سيف
بصت مرفت ل جميله وقالت بجد يا بت يا جميله بسم الله ماشاء الله حامل في 3مرة واحدة
قالت جميله امسكي الخشبه يا حماتي انا نجمي خفيف
قالت مرفت دنا هشيلك علي كفوف الراحه كدا ربنا يقومك بسلامه وقالت بصي يا جميله متقوليش لحد انك حامل في 3 عشان ربنا يتتملك علي خير
قالت جميله يا سبحان مغير الاحوال من حال اللي حال حاضر يا حماتي
قالت مرفت طب ادخلي اقعدى بقا
دخلت جميله وقعدت
قالت واحدة من اللي كانو قاعدين بطنك كبيرة اوى يا جميله من اي
قالت جميله عادي يا طنط
قالت الست عادى اي الله يكون في عونك يا سيف يابني
قالت مرفت وهيا بتغيظها وتحرق دمها ايوة يا حبيبتي اصل جميله بنتي حامل
الست اتفرست وقالت مش دى اللي كانت ارض بور
قالت مرفت بقولك اي يا سعاد اتلمي كدا انتي في بيتي متغلطيش في حريم اولادى لانهم خط احمر انتي سامعه وبعدين قالت اللي صحيح بنتك اللي متجوزة بقالها 4 سنين لسا مخلفتش بردو
قالت سعاد لا يختي خلفت بنت
قامت جميله من وسطهم وهيا بتقول لا حول ولا قوة الا بالله العلي العظيم ربنا يهديكي يا حماتي الناس بقت تعاير بعض بالخلفه اللي هيا من عند ربنا
في المطبخ كانت ماهي واقفه مش طايقه نفسها وتقول منك لله يا مرفت اشوف فيكي اسبوع كامل علي اللي بتعمليه فينا دا
قالت رانيا وانتي الصادقه دنا اتهد حيلي معتش قادره تعبت يا ناس
دخلت عليهم جميله وبفرحه قالت بنات اخواتي حبايبي راحت ماهي ورانيا نحيتها وقالو مالك يا عبيطه
قالت جميله انا حامل في 3 تؤام مبسوطه اوى
واتصدمت جميله من اللي ماهي عملتهه ومن رد فعلها
اول ما جميله قالت ان هيا حامل في 3 تؤام راحت ماهب حضنتها وقالت مبارك يا سلفتي يمكن انتي مفكرة اني مش بحبك بس يعلم ربنا اني بحبك وفرحتلك اوى انا اسفه علي كل كلمه قلتلهالك يا سلفتي
قالت جميله حبيبتي يا ماهي انا مسمحاكي احنا في رمضان والمسامح كريم
قالت رانيا منغير نفس مبارك يختي وسابتها ومشيت
قالت ماهي مالها مقصوفه الرقبه دى…… قالت جميله والله يختي معرف بس اي الشعب اللي حماتك جيباه دا كل دول مين هيعملهم اكل يختي مين فيه حيل اصلا
ضحكت ماهي وقالت والله معرف انا رجليا ورمت من الوقفه يختي تعبت حماتك دى اصلا ست قويه ومفتريه بصي يا جميله اقعدي انتي هنا وانا هروح الحمام وهجيلك
عند مرفت كانت نازله لكلكه مع الستات قالت واحدة اللي صحيح دعاء اخبارها اي انا جيبلاها عريس مفيش منو اتنين
قالت مرفت هيا كويسه يختي خلي عريسك دا بنتك انا بنتي هتخلص تعليم الاول بعدين تتجوز وبقولك اي ياست انتي اقفلي علي الموضوع دا ومجبيش سيرة بنتي مرة تانيه علي لسانك عشان هقطعهولك
قالت الست في بالها شوف المعفنه الشايبه العايبه بتتكلم علي كل الناس ومش عاوزة حد يتكلم عليها
اما في المصنع عند سيف واحمد وكريم كان كريم بيقول لسيف يا سيف عملتها ازاي دى 3مرة واحدة
قال احمد قول مشاءالله ومكملش كلامه وكان انزار الحريق اشتغل طلع كل واحد فيهم يجري وخرجو التلاته الغريبه ان مكنش في حريق ولا حاجه بس لما دخلو هنا كانت
كانت ماهي طالعه من الحمام لقت رانيا بتتكلم في التلفون ايوة والله يا ماما زى ما بقولك بنت المحظوظه هتترحم من شغل البيت خلصت رانيا كلام مع امها ولسا جايه تلف وشها لقت ماهي مسخسخه من الضحك وقالت يا هبله يابنت بقا كل دا عشان شغل البيت
قالت رانيا بصراحه انا بحب جميله بس بردو شغل كتير اللي صحيح يابت يا ماهي انتي فعلا بتحبيها ولا بتقولي كدا وخلاص
قالت ماهي كنت مفكرة اني مش بحبها بس تتخيلي اني دعيتلها وانا بصلي يبقا ازاى مش بحبها بحبها وفرحت لفرحتها كنت ناويه اسقطها بس اعمل كدا ازاى واحرق قلبها ازاى
دخلت في الحديث مرفت انا اللي غلطت فيها استحملت مني كتير ااوى بس هيا بنت حلال مصفي هههههه
قالت رانيا طب ارحمي امي وخفي علينا شويا
وعدت العزومه علي خير
وعدى تاني يوم بس قبل الفطار دخل الحج علي وكان معاه اخر حاجه ممكن نتوقعها
اللي خلت مرفت تتجنن
واللي حصل وقتها لا كان علي البال ولا علي الخاطر
