قفل المكالمة ببطء…
وبصلي أنا، مش لحد غيري.
وقال بصوت واطي
لازم نخرج من هنا… دلوقتي.
أمي صرخت فيه
إنت فقدت عقلك؟ دي بنتي!
رد عليها من غير حتى ما يبصلها
لو كانت بنتك فعلًا… مكنتيش عملتي فيها كده.
الكلمة نزلت زي الصفعة.
أبويا قرب منه بعصبية، ومسكه من ياقة قميصه.
إنت تعرف إيه عنها؟
كريم فك إيده بهدوء، وقال
أعرف إن الدلاية دي كانت مع طفلة اختفت في ظروف غامضة… وكل اللي كان له علاقة بالموضوع اختفى أو سكت.
حسيت الدنيا بتلف بيا.
أنا؟
طفلة اختفت؟
أمي قاطعت كلامه بسرعة وهي بتزعق
كفاية هبل! البنت دي اتولدت قدام عيني!
لكن كريم ابتسم ابتسامة خفيفة، لأول مرة من ساعة ما شاف الدلاية.
غريبة… لأن تاريخ تصنيع الدلاية نفسها أقدم من تاريخ ميلادها بخمس سنين.
الجملة خلت أبويا يشحب.
بص لأمي… وهي بصت له.
كانت نظرة سريعة جدًا…
لكنها كانت كفاية علشان أعرف إن بينهم سر.
وفجأة…
رن جرس الباب.
رنّة طويلة ومتواصلة.
الكل
بص ناحية الباب.
الخادمة راحت تفتحه…
وبعد ثواني رجعت، ووشها أصفر من الخوف.
همست
فيه راجل برّه… بيقول إنه جاي ياخد الآنسة إيمي.
سكتت لحظة…
وأضافت وهي بترتعش
وقال بالحرف… قولوا لها الدلاية رجعت لصاحبتها، والوقت خلص.
وفي اللحظة دي…
سمعنا صوت خطوات تقيلة دخلت البيت… رغم إن محدش سمح لحد يدخل.
ولما بصينا ناحية مدخل الصالة…
لقينا شخص واقف في الضلمة…
وشه مش باين…
لكن في إيده صورة قديمة، وهو رافعها ناحيتي…
وقال
إيمي… دي أول مرة تشوفي الصورة دي… لكنها آخر فرصة تعرفي الحقيقة.
يتبع…الشخص دخل خطوة واحدة للنور…
إيده كانت ماسكة الصورة بإحكام، لكن وشه فضل مستخبي تحت ظل الكاب.
كريم وقف قدامي فورًا، كأنه بيحاول يمنع أي حد يقرب مني.
قال للرجل بحدة
إنت إزاي عرفت إنها هنا؟
الرجل رد بهدوء غريب
دورت عليها سنين… والنهارده هي اللي لقتني.
وبعدين مد الصورة ناحيتي.
إيدي كانت بتترعش وأنا باخدها.
بمجرد ما بصيت فيها…
حسيت نفسي اتجمدت.
الصورة كانت لطفلة صغيرة، شعرها مربوط بضفيرتين، وفي رقبتها نفس الدلاية الخضراء…
لكن الصدمة الحقيقية…
إن الست اللي كانت شايلة الطفلة في حضنها…
ما كانتش أمي.
رفعت عيني بسرعة ناحية سهام.
وشها كان شاحب، وشفايفها بترتعش.
صرخت فيها
مين الست دي؟!
قبل ما ترد…
أبويا خطف الصورة من إيدي ومزقها حتت صغيرة، ورماها في الأرض.
وزعق
خلصنا من الماضي من زمان!
الرجل ابتسم ابتسامة باردة وقال
الورق بيتقطع… لكن الحقيقةلأ.
وبعدين طلع من جيبه ظرف أصفر قديم.
حطه على السفرة قدام الكل.
دي النسخة اللي كنتوا فاكرين إنها اتحرقت.
أمي أول ما شافت الظرف، صرخت
لا… مستحيل!
كريم قرب من الظرف، لكنه ما فتحوش.
بص لأبويا وقال
لو أنا اللي فتحته… حياتكم كلها هتتغير.
الصمت خيم على المكان.
حتى صوت أنفاسي كان مسموع.
أبويا شد كرسي وقعد لأول مرة وهو باين عليه الانهيار.
وبص للرجل وقال بصوت مكسور
إنت وعدتني… إن السر هيفضل مدفون.
الرجل هز رأسه وقال
كنت هفضل ساكت… لولا إنكم حاولتوا تقتلوها النهارده.
ثم بصلي مباشرة وقال
من اللحظة دي… محدش هيقدر يخبي عنك الحقيقة.
ومد إيده ناحية الظرف…
لكن قبل ما يفتحه…
دوى صوت طلقة نار من خارج البيت…
واخترقت الرصاصة زجاج الشباك لتستقر في الحائط، لتتحول الصالة كلها إلى فوضى وصراخ…
يتبع…تناثر الزجاج في كل اتجاه، والكل ارتمى على الأرض من شدة المفاجأة.
صرخت دينا وهي بتستخبى تحت السفرة، بينما أمي جريت ناحية المطبخ وهي بتعيط.
أما الرجل الغريب…
فما اتحركش.
بص ناحية الشباك المكسور وقال بهدوء
عرفت إنهم هيوصلوا.
كريم شدني من إيدي بسرعة، وساعدني أقف رغم الدم اللي كان نازل من وشي.
قال بصوت حاسم
لازم نمشي… حالًا.
لكن قبل ما نتحرك، سمعنا صوت عربية فراملها صرخت قدام البيت.
وبعدها…
صوت باب العربية بيتقفل.
وبعدين خطوات كتير…
تقرب.
أبويا جري ناحية الباب وقفل الكالون، وحط الكنبة قدامه.
كان واضح إنه مرعوب.
قلت وأنا ببصله
إنت خايف من مين؟
بصلي لأول مرة من غير قسوة…
وكان في عينيه ندم عمره سنين.
همس
من الغلطة اللي عملتها من خمسة وعشرين سنة.
الرجل الغريب فتح الظرف أخيرًا، وطلع منه شهادة ميلاد قديمة.
ناولها لكريم.
كريم قرأها، ووشه اتغير تمامًا.
بصلي، وقال بصوت مخنوق
اسمك… ما كانش إيمي.
قلبي وقف.
أمال اسمي إيه؟
كريم بلع ريقه، لكنه قبل ما يرد…
اتكسر باب البيت بضربة واحدة.
ودخل ثلاثة رجال لابسين أسود.
أطول واحد فيهم بص ناحيتي مباشرة، وكأنه كان حافظ ملامحي.
ابتسم ابتسامة باردة وقال
أخيرًا لقيناك.
ورفع صورة قديمة من جيبه…
كانت نفس الصورة اللي أبويا مزقها.
لكن المرة دي، كانت كاملة.
وأشار بإصبعه على الطفلة اللي فيها وقال
دي… إنتِ.
