
لجزء الأول الست اللي خسرتها بإيدي اتجوزت على أم بناتي بعد عشر سنين جواز، ولما مراتي التانية طلبت مني أطلقها، نفذت كلامها من غير ما أفكر لحظة في الست اللي استحملت غربتي، ولا في بناتي التلاتة اللي كنت بالنسبة لهم الدنيا كلها!
طلقتها وأنا قاعد في الخليج، بتوكيل عملته لأخويا الكبير، وكنت متخيل إنها هتفضل ټعيط وتترجاني أرجعها، زي ما كانت بتعمل كل مرة أزعلها فيها. لكن اللي حصل كان أغرب من أي حاجة توقعتها! مراتي اختفت من حياتي تمامًا، وبناتي بطلوا يردوا على تليفوناتي، وحتى أبويا اللي كان طول عمره سندي اتبرى مني وقال لي من النهارده اعتبر إن أبوك ماټ يا ياسين إنت خسړت بنت عمك وبناتك بإيدك، ومش هسامحك على اللي عملته فيهم!
وقتها ضحكت وقلت لنفسي إنهم يومين وهيهدوا، وإن مراتي الأولى هترجع تترجاني علشان البنات. لكن بعد شهور، جالي خبر خلاني أحس إن الأرض بتتسحب من تحت رجليا. طليق مراتي التانية اتجوز أم بناتي! والأصعب من كده إن الراجل ده كان جاسر الصرفي، واحد من أكبر رجال الأعمال اللي شركتي بتحاول تتعاقد معاهم من سنين!
واللي حصل يوم ما شفت مراتي في مكتبه، وهي واقفة جنبه، كان بداية الحساب اللي عمري ما تخيلت إني هدفعه. بس علشان تفهموا إزاي وصلت لليوم ده، لازم أحكيلكم حكايتي من البداية أنا ياسين عبد الحميد، عندي أربعين سنة، مهندس ومدير مشروعات في شركة مقاولات كبيرة في الخليج.
من عشر سنين اتجوزت ليلى بنت عمي. ليلى ما كانتش مجرد بنت عمي، دي كانت حبيبتي من وإحنا صغيرين. فاكرها وهي بنت عندها سبعتاشر سنة، بتجري في جنينة بيت جدي، وشعرها الطويل بيتطاير وراها، ولما تشوفني تبتسم وتوطي وشها من الكسوف. كنت بحبها بطريقة عمري ما حبيت بيها حد.
وأول ما اشتغلت وسافرت الخليج، رجعت طلبتها من عمي. عمي يومها حط إيده على كتفي وقال لي يا ياسين، أنا مش هقولك حافظ على بنتي، علشان إنت ابني قبل ما تكون ابن أخويا بس ليلى دي حتة من قلبي، وأمانة في رقبتك.
وقتها رديت عليه بمنتهى الثقة دي في عيني يا عمي، وأنا عمري ما هزعلها. يا ريتني كنت قد الكلمة دي! اتجوزنا، وربنا رزقنا بتلات بنات زي القمر. ملك الكبيرة عندها تسع سنين، وجنى عندها سبع سنين، وآخر العنقود مريم عندها أربع سنين.
ليلى كانت أم رائعة. طول الوقت بتجري ورا البنات، تذاكر لهم، وتوديهم التمارين، وتتابع صحتهم ودراستهم. وفوق كل ده، كانت بتحاول تفضل الزوجة اللي بتستقبل جوزها بابتسامة مهما كان تعبان. كنت بنزل مصر كل تلات أو أربع شهور، أقضي معاهم أسبوعين وأرجع.
وفي كل مرة، كنت بلاقي البيت متزين، والأكل اللي بحبه جاهز، والبنات مستنييني عند الباب. ليلى كانت بتقولي عارف يا ياسين؟ أنا مش عايزة منك فلوس كتير أنا عايزاك إنت. نفسي البنات يكبروا وإنت وسطهم. وكنت أرد استحملي شوية يا لي لي، كلها كام سنة وأرجع نهائي.




